पवन भगिरथ
निजगढ: राैतहट एक अज्ञात समूहले बारामा खुकुरी प्रहार गरेकाे छ । बाराकाे निजगढ नगरपालिका वडा नम्बर १२ रामथलीका भिमलाल गाेले घरमा सुतिरहेकाे अवस्थामा अज्ञात समुहले सोमबार मध्यराती  खुकुरी प्रहार गरि गम्भीर घाईते बनाएकाे छ । राती एक्कासी खुकुरी प्रहार भएपछि गाेलेले गाउँलेलाई गुहारेका थिए । खुकुरी प्रहार गर्ने मान्छेकाे पहिचान खुल्न सकेकाे छैन । तर खुकुरी प्रहार गर्न आउँदा प्रयाेग भएकाे ग २४ प ७०४६ नम्बर माेटरसाइकल भने राैतहटकाे गुजरा नगरपालिकाकाे वडा नम्बर ३ घर भएका एमामुल ईक देवानकाे नाममा रहेकाे खुल्न आएकाे छ । साेही माेटरसाइकलकाे आधारमा खुकुरी प्रहार गर्ने समूह राैतहटकाे हुन सक्ने प्रहरीले आशंका गरेकाे छ ।

खुकुरी प्रहारबाट गम्भीर घाइते भएका भिमलाल गाेलेकाे हेटाैडाकाे चुरेहिल अस्पतालमा आइसियु कक्षामा भर्ना गरि उपचार भईरहेकाे छाेरा संजय गाेलेले बताउनु भयाे । गाेलेकाे कसैसंग दुश्मनी नरहेकाे तर किन गाेलेलाई खुकुरी प्रहार भाे भन्ने बिषयमा स्थानिय अनविज्ञ रहेकाे उनीहरुले बताएका छन । खुकुरी प्रहार गर्न आउँदा प्रयाेग भएकाे माेटरसाइकलकाे पहिचान खुलेकाे र त्यसैकाे आधारमा अपराधीलाई जतिसक्दो छिटो पक्राउ गर्ने प्रहरीले जनाएकाे छ । यश घटनाको थप सुक्ष्म अनुसन्धान समेत प्रहरीले अगाडी बढाएकाे इलाका प्रहरी कार्यालय निजगढले जनाएकाे छ ।